.. يمكنك الإنضمام لعالم سُكر بنات من خلال التسجيل من هنا | نسيت كلمة المرور ؟



همس القوافي - شعر وشعراء شعر, شعراء ,منتدى للقصيد, يختص بالشعر النبطي ,الشعبي , الفصيح , المحاوره , همس القوافي , القصائد النبطي , الفصيح البوح , شعراء سكر بنات .

 
 
أدوات الموضوع انواع عرض الموضوع

قديم 02-08-2018, 13:35 PM   المشاركة رقم: 1 (permalink)
المعلومات
الكاتب:
اللقب:
سكر ذهبي
الرتبة:

البيانات
التسجيل: Oct 2016
العضوية: 24243
العمر: 29
المشاركات: 8,650 [+]
بمعدل : 7.62 يوميا
اخر زياره : [+]
معدل التقييم: 56
نقاط التقييم: 10
lle loubna is on a distinguished road
 

الإتصالات
الحالة:
lle loubna غير متواجد حالياً
وسائل الإتصال:

المنتدى : همس القوافي - شعر وشعراء
Be6 اجمل ابيات شعر مدح 2018

منتدى سكر بنات يقدم لكم :اجمل ابيات شعر مدح 2018

الثنا تجنيه وقفات الرجال
مايحوز الطيب خبل مرتكي
النعومه مدح في بنت الحلال
والرجوله ما تحقق بالحكي.
سلام مني كل صبح و عشيه
وإعداد نسناس الهوا كل ماهب
وإعداد فزعات الخوي لخويه
وإعداد مدح للمطانيخ يكتب.
قصيدة ماهي غزل في الطرف الكحيل
ولاهي عتاب ولاشكوى حال دون حال
قصيدة مدح في ذآك الشهم الأصيل.
مدح الخوي يمكن تقولون مجروح
بس الخوي مثل (الاسم) يداوي جروح.
تستاهل الاول في كل الاحوال
يا شيخ يا عز الخوي يا (الاسم)
يا أمير لو اكتب فيك مدح و جزال
ما وفي غلاك الين أكتب و صاتي.
الخوي الي على الخوه حماوي
اشهدان معايده حق عليه
مثلك وشرواك يازبن الجلاوي
ناصله و لانوصله التحيه.
سلام مني كل صبح وعشيه
وإعداد نسناس الهوا كل ماهب
وإعداد فزعات الخوي لخويه
وإعداد مدح لل(الاسم) يكتب.
المدح في (الاسم) يسوق العجايب






حلفت باللي غيب الشمس مناك ..
والصبح بأمر تظهر الشمس منا . .
إن أسعد الأيام شوفك ولقياك . .
وإن أقشر الأيام لاغبت عنا . .
ودك تلاقيني وودي بلقياك . .
لكن ظروف الوقت ما ساعدنا . .

ا
سر يا قلم واكتب الابيات منقوشه
بيوت شعر تشرفني معانيها
للصاحب اللي يمد الطيب وينوشه
من روس قوم علي العليا مبانيها
رفقة شرف ماهي بالتلفيق مغشوشه
يسمع بها قاصي العرب ودانيها


من رافقك والله حشا ما يخليك
لو عاشرك كل الدهر ما يملك
انا اشهد اني حرت مدري ش سميك
كل الخصال النادره ينتمن لك
الطيب كنه شابك ايديه فيديك
ان كان له صاحب فهو صاحبلك


شخص الا منه مضى لي معه
يوم
اندم على ايام مضت قبل
ما القاه
احتاج له لا صار في صدري
هموم
ولو ينكسر ساقي تسندني
يمناه
جعل المعزة بيننا دايم
الدوم
هذا الرفيق اللي من الصعب
تنساه

ا

سلام يا حر على بيض الاوكار ....
حر مواقيعه بروس الجبالي
حر ليا وقع وحر ليا طار ....
وحر يهابونه قروم الرجالي
حلياه تذهل كل عاشق وصقار ....
عند العرب يضرب بطيبه مثالي


سر يا قلم و أكتب من المدح ما طاب
في الي جزيل المدح يستاهلونه
ناس مزايين و الرجا فيهم ما خاب
الروح و القلب فدى لهم لو يطلبونه
و أكتب لهم شيك محبه مفتوح الحساب
يسحبون من رصيد الغلى و أبد ما ينقصونه


كتبت انا في تالي الليل بيتين
لعيون من يسوى جميع الخلايق
اللي معاهدني على الزين والشين
واللي بشوفه يصبح الفكر رايق
الصاحب اللي منزله داخل العين
هو الخوي وقت السعه والضوايق



دايم على بالي ولا يوم ناسيك ,؛,

وانته لزيم الروح وأكثر شويه ,؛,

بدرب المعزه أشهد اني مخاويك ,؛,

وأخترت شخصك بين كل البريه ,؛,

الرب يعلم بالغلا كثر مغليك ,؛,

ودايم مكانك في الشموخ العليه ,؛,


*مكانِتـك ما زادهـا المدح مقيـاس
و لا يقـلـل شـانهـا .. منتـقـدهـا !
أنت اللي تحدد مقامك مع الناس
من وين ما حطيت نفسك تجدها !



تستاهلين المدح ياشيخة الزين
يااللي على الگـل بطباعك فرقتي
مايختلف دايم على حسنك اثنين
كل البنات اتضيع لامن حضرتي


ناس ٍ يجيها المدح من غير ترجيه
علي فعل كايد وصيت ٍ مزكى
وناس ٍ تسوم المدح غالي وتشريه
على صفر *وعزوم *هزله *تركى

*
من يمدح الطيب على شان طيبه
ما احدٍ بقايل له علامك مدحته
بس البلا والكارثه والمصيبه
اللي الى منك مدحته فضحته



الطيب بحر ساحله ماله حدود
قاعه عميق ومتعب كل غطاس
والجود ظل في قفا الشمس ممدود
ماينعرف حده ومعناه ينقاس
ومن يجمع الثنتين لاشك محسود
وانا اشهد انك جامعه در والماس





الطيب ورثك ما شريته بالأثمان
متسلسل من نبع ناس عربيين*
الطيب ساسك وانت للطيب ديوان*
قول صحيح ولا يبي له براهين
لبست من طيبك على الراس تيجان
تاج قوي ولا تهزه سلاطين

سلام احلى من حليب المغاتير
للي غلاهم داخل الدم جاري*
من راس منهو مايحسب المخاسير*
يبيع عمره لا غدا الكل شاري*
للرفيق اللي عشرته ياعرب غير*
غايب وهو دايم على البال طاري


حلفت باللي غيب الشمس مناك ..
والصبح بأمر تظهر الشمس منا . .
إن أسعد الأيام شوفك ولقياك . .
وإن أقشر الأيام لاغبت عنا . .
ودك تلاقيني وودي بلقياك . .
لكن ظروف الوقت ما ساعدنا . .*


سر يا قلم واكتب الابيات منقوشه
بيوت شعر تشرفني معانيها
للصاحب اللي يمد الطيب وينوشه
من روس قوم علي العليا مبانيها
رفقة شرف ماهي بالتلفيق مغشوشه
يسمع بها قاصي العرب ودانيها*


من رافقك والله حشا ما يخليك
لو عاشرك كل الدهر ما يملك
انا اشهد اني حرت مدري ش سميك
كل الخصال النادره ينتمن لك
الطيب كنه شابك ايديه فيديك
ان كان له صاحب فهو صاحبلك


كتبت انا في تالي الليل بيتين*
لعيون من يسوى جميع الخلايق*
اللي معاهدني على الزين والشين
واللي بشوفه يصبح الفكر رايق
الصاحب اللي منزله داخل العين
هو الخوي وقت السعه والضوايق


دايم على بالي ولا يوم ناسيك ,؛,

وانته لزيم الروح وأكثر شويه ,؛,

بدرب المعزه أشهد اني مخاويك ,؛,

وأخترت شخصك بين كل البريه ,؛,

الرب يعلم بالغلا كثر مغليك ,؛,

ودايم مكانك في الشموخ العليه ,؛,

يا شيخ أنا جيتك على الفطّـر الشيب = قـزان من دار المحبين دباب


دبــا عليّ ودب مـني بتـقـريــب = قل المـواشي يا ذرا كل من هاب


من دارنا جينا لدارك مغاريب =يموم نجم لا تغير ولا غاب


متخيرك يا منقع الجود والطيب = لا خيب الله للاجاويد طلاّب


سلام من قلب محب بلا ريب = له يستتاب الشاب ويشب من شاب


يا لجوهر الناريز يا لعطر يا لطيب= يا لصعل يا لصهال يا حصان الا طلاب


يا لزير يا لزحار يا لنمر يا لذيب = يا لليث يا للايوث يا لشبل يا لداب


يا الضاري الضرغام عطب المضاريب = يا لفرز يا مفراض ضده والاجناب


يا النادر الهليع عقاب المراقيب = يا نافل جيـله بعيدين واقراب


نطاح طابور العساكر الى هيب = ستر العذاري لى غشى الزمل ضبضاب


عيبك الى من قالوا الناس بك عيب = بالسيف لارقاب المناعير قصاب


وعيبك الى من قالوا الناس بك عيب = للسمن فوق مفطح الحيل صباب


وذبح الغنم والكوم حرش العراقيب = وعطا المهار وبذل مال بلا حساب


وبك شارةِ كبّ الفراد المحانيب = وبذل الطعام وللتنافيل كسّـاب


نمراَ تجرده للعدا والأجانيب = تفجا بها غرات ضدك بالاسباب


ومن عقب ذا بالعون ما بك عذاريب = أحلى من السكر على كبد شرّاب


جيناك فوق الهجن شيب المحاقيب = لمشاهدك يا شوق وضّاح الانياب


الحرّ يضرب بالكهوف المعاطيب =والتبع قنّاصه من الصيد ما جاب


وانت الذي تافي بكل المواجيب = كنك " هديب الشام " بالحمل عتـّاب


تثني لابو صلفيق ما به تكاذيب = شيخ الصخا معطى طويلات الارقاب


يا ما عطيت اللي يجونك طلاليب = كم واحدِ جا لك من الوقت منصاب


وفرجت همه في كبار المواهيب = من عليم يزمي كما يزمي " الزاب "


عزّ الله انك طيب وتفعل الطيب = والطيب يجني منك يا زاكي الانساب



قـبـأيــلٍ تـســكــن بـشــبــه الـجــزيــره
جــزيــرةٍ تـبـهــر عـريـضــه كـبــيــره

والـكــل مـنـهـم لـــه مــنــازل وديــــره
مـن ساحـل الأحمـر ليـا سـاحـل عـمـان
--------
منهـم"عـتـيـبـه"نـعـم والله عــتــيــبــه
قـبـيـلــةٍ بــيـــن الـقـبــايــل عــريــبــه
أمـجـادهـم تــعــرف ولاهــــي غـريـبــه
ليـا حـل طــار المـجـد يـطـرون عتـبـان
--------
ومنهم بني الحارث هـل المذهـب الزيـن
كسـابـة القـالـه عـلـى العـسـر و اللـيـن
تاريـخـهـم مـعــروف مــاهــم غـبـيـيـن
وا لنعـم يإبـن الحـارث طـيـور حــوران
--------
ومنـهـم "سبيـع"ونـعـم بسـبـيـع دايـــم
تاريخـهـم يشـهـد لتـهـم فــي الـقـدا يــم
نــقــول حــــق ولا نــحــب ا لـظــلايــم
يستـاهـلـون الـمــدح والـنـعـم سـبـعــان
--------
و"غامـد" ونـعـم بغـامـد اهــل الشكـالـه
قــيــف شـجـيــع كــامـــلات خـصــالــه
الـطـيــب فـيـهــم والــكــرم والـبـسـالـه
الاّ وفــي وقـــت المحـاضـيـر شـجـعـان
--------
و"قحطـان" سـاس الأصـل نعـم القبيلـه
أفـعـالـهـم مــــن غـيـرهــم مسـتـحـيـلـه
بالطـيـب عـــدو كـــل عـيـطـاء طـويـلـه
وا لـنـعــم والله يـاصـنـاديــد قـحــطــان
--------
والنعـم "بـا الاشـراف" نسـل الصحابـه
الـديــن فـيـهــم وا لـسـخــاء والـلـبـابـه
والـعـرف والـمـعـروف شـــدوا ركـابــه
والنصـح والارشـاد عـن كــل عصـيـان
--------
وأولاد وائــــــل نـــعـــم والله قـبـيــلــه
أهـــل الفـعـايـل والـعـمــوق الاصـيـلــه
مـنـهــم مــلــوك يـكـسـبـون ا لنـفـيـلـه
اسم(عنـزه) فــي قـمـة المـجـد عـنـوان
--------
و" شـمـر" لـيـا عــدت فـعـول النحـايـا
وا لـنــعــم والله يــارجـــال ا لـطـنــايــا
حـمــأيــة الـقــالــه ســهـــوم الـمـنـايــا
نقـولـهـا فـــي حـقـهـم ســـر وإعـــلان
--------
والنـعـم "للعجـمـان " مـافـيـه مـعــروف
قـول وفعـل مــا تنـفـع نـقـاط وحــروف
مـجــدٍ تـعــلا كـنــه سـهـيـل مـشـيــوف
دليـلـنـا فـــي مـدحـهــم فــعــل راكــــان
--------
و"مطيـر" حمـران النواظـر هـل الجـود
تاريخـهـم مــن قـبـل واضــح و مـعـدود
مــجــدٍ مـثـبـتـة بـراهــيــن وشــهـــود
ماينـجـحـد مــجــد وأهـالـيــه مــطــران
--------
ونعمٍ "بحرب" ليا طـرا طـاري الأمـداح
أهـل ا لمـوا قــف كــل مـاصـاح صـيـاح
حـرابـهــم بـالـنــوم مــاهــوب يــرتــاح
مـن ضيمـهـم مايـمـرح اللـيـل سـهـران
--------
و "سليم" أهـل مجـد مسجـل بالاسطـار
ذربـيـن أهــل قـالـه وبـالـعـرف شـعــار
وأظـن هـرج ا لـصـدق مايقـبـل إ نـكـار
أخـذ الأدب والعـرف مـن روس سِلمـان
--------
وجمـع "الدواسـر" مـا بهـم قـول قـايـل
دوســـر جـمــل يـشـتـال كـــل الثـقـايـل
بـاسـمــه تـسـمــوا والـفـعـايـل دلايــــل
غــــدران مــــوت مـاتـحـلـى بــغــدران
--------
و"بـنـي تمـيـم " الـلـي فخـرهـم مقيـمـي
ود ليلـنـا قــول ابــن صقـيـه ا لتميـمـي
يــدري بـهـم مــن كــان قلـبـه فهـيـمـي
أ خبـارهـم شـاعــت لـحـضـر وبـــدوان
--------
وأيضـا "بنـي خـالـد" عــذاب العنـيـدي
جـو مـن سلالـة "خالـد ابـن الولـيـدي"
قـــول مـحـقــق مـانـقــول ا لـسـريــدي
نـقـرأ ونبـحـث لـيـن نــدري بـمـا كــان
--------
و"زهران" جـن الحـرب يـوم الحرايـب
الـلــي طعـنـهـم يـــودع ا لـــدم رايـــب
هـبـت لـهـم مــن كـــل طـيــب هـبـايـب
وا لـنـعــم والله يـارجـاجـيـل زهـــــران
--------
و"عسيـر" عسريـن علـى كــل طـمـاع
سبـاعٍ تعـشـي سـبـاع الأقــذال بسـبـاع
الـسـيـف بـيـديـهـم مـخـلــد ومــطــواع
ورمـــاه لـيــا رد الـنـظــر لام نـيـشــان
--------
و"شهـران" مشهوريـن والجـد شـاهـر
الـكــل مـنـهــم فــــا لـمـهـمـات مــاهــر
طـيـب لـيـا عــدوا هــل الطـيـب ظـاهـر
مـعــروف مايـطـويـه بــعــد ونـسـيــان
--------
و"بالقـرن" قـرن المـوت شرابـة الــدم
حـرابـهـم يسـقـونـه الـصـبــر والــســم
فــي رؤسـهـم شيـمـه وعــادات ولـــزم
مــا ينحـصـي تعريفـهـم عـبــر قـيـفـان
--------
وأيضـا "بـنـي مـالـك" ذكـرنـا فخـرهـم
الطـيـب طــوع يـــد يـنـهـم ماعـسـرهـم
ليـا ماجـت أمـواج البـحـر مــن بحـرهـم
بـحـر يـكـز الـمـوج مــن غـيـر جـيـلان
--------
والنـعـم "بالأحـمـر" عـلـى كــل حـالــي
فــي كـــل صـعـبـات الـلــوازم رجـالــي
شــوامــخ مــاهــم بــجـــرف هـيــالــي
كسـبـان ياحـايـز عـلـى الـمـدح كسـبـان
--------
و"شمران" ليا شمر عن الساعد الثوب
حرابـهـم يـقـفـي مـــذ لـــل ومـرعــوب
كـم كــدروا يــوم الـكـدر كــل مـشـروب
ياهـل الوفـاء محـد جحـد فـعـل شـمـران
--------
والنعم"بـالأسـمـر" لـيــا حـــل طـــاري
شمـعـة فـخـرهـم مـاذرتـهـا ا لـــذواري
يــروون صفـحـات القـنـا و الـشـبـاري
ويــوردون ا لسـيـف لاصــار عطـشـان
--------
وصبيان"يـام" أهــل العـمـوق العريـقـة
سـتـر ا لظـعـن يــوم الايـــادي طلـيـقـة
مـا تختـفـي عــن عـيـن عـاقـل حقيـقـة
يـام ا لحرايـب يــوم سـوقـات الاظـعـان
--------
والنعـم والله فــي رجــال"ا لـشـرارت"
الطـيـب لــه فيـهـم مــواري وأمـــارات
أهــل ا لمـراجـل يــوم الأيــام عـسـرات
الـكـل منـهـم يـجـلـب ا لـــروح قـربــان
--------
أيضـا" بنـي هاجـر" كفـوف الأســودي
يثـبـت لـهـم فــي كــل علـيـاء وجــودي
قــول علـيـه الفـعـل الأبـيـض شـهـودي
وا لـصــدق قـايــد للمـعـانـي وقـبـطــان
--------
ونذكر " بلي" بلـواء علـى كـل عاصـي
ليـا جـاء نهـار فـيـه شـيـب ا لنـواصـي
رجالـهـم ينـطـح خـشــوم ا لـرصـاصـي
ليا طار ستر ا لوجه عن دعـج الأعيـان
--------
وأيضـا "جهينـه" عـزوة باسهـم بــاس
نطـاحـة ا لـغـاره عـلـى قــب الأفـــراس
أمجادهـم مـن يـوم خلقـوا علـى ســاس
بـيـت جـويـد مـــا نـخـلـع فـيــه بـيـبـان
--------
وأيضا"السهول" لهم مواقـف وتشجيـع
يـطــوعــون ا لــضـــد لازام تـطــويــع
ويـقـال عنـهـم ا نـهــم حـلــف لسـبـيـع
ذولا وذولا نــعـــم وافــيـــن الأفــنـــان
--------
وأيضا "الظفير" أهـل الظفـر والمدايـح
يــوم الثـمـيـدي مـثــل وبـــل الـروايــح
ارجــــال مـافـيـهـم غــمــوز وقــدايـــح
منهـم زبـون أهـل لمقاصيـر "نـومـان"
--------
وسفيـان مــن قـبـل النـبـوه لـهـم بـيـت
صـحـيـح لاأ ز ل بـكـلامـي ولاأخـطـيـت
قـريـت فــي كـتـب التـواريـخ وأوحـيـت
سفيـان سلسلـة العـريـب ابــن سفـيـان
--------
و"طويـرق " أهـل الشيمـه المستديـمـه
وأهـل الـوفـاء وأهــل اليـديـن الكريـمـه
لـلـجــار عــــز ولـلـمـعــادي هـزيــمــه
أقـولــهــا مــانـــي بــراعـــي تــلـــوان
--------
و"هذيـل" أهـل غيـره ومذهـب وجيـره
وميـزاتـهـم مـــن غـيــر هـــذا كـثـيـره
ولـيــا قـــدح لـلـحـرب قـــادح ذخــيــره
تـلـقــى مـقـاديــم الـريـاجـيـل هـــــذلان
--------
و"قـريـش" مـجـد قـريـش كــل درابــه
قـوم الـرسـول وقــوم بـعـض الصحـابـه
ومـجــد تـعــدى الهـاشـمـي وشـنـبـابـه
الـلـي مــن قـلـوب الـبـشـر زال الأدران
--------
و"ثقـيـف" مــا يحـتـاج نـذكـر فخـرهـم
مـا دام "ابـن يوسف"علـى طـول منهـم
يكفـيـهـم "الـحـجـاج" مـجــد شـهـرهـم
بالكـتـب والـتـاريـخ فـــي كـــل ديـــوان
--------
و "بنـي رشيـد" مــن القبـائـل يـعـدون
لـيـا جــت مـجـالات المـواقـف يـبــدون
يـبـنــون بـنـيــان الـفـخــر مـايـهــدون
والـلـي نقـدهـم مامـعـه عـلــم بـخـصـان
--------
ونـذكـر "بـنـي مــره " ونـعـم آل مــره
لـلـجــار عــــز والـلـمـعـادي مــضـــره
والـيــوم فـــي نـعـمـه وســـره وقــــره
بيـن الـثـلاث الـلـي خذتـهـم بالأحـصـان
--------
و"أكلب" هل الطالات وأهـل النواميـس
إمسـيـسـن بـدوحــة الـمـجــد تـسـيــس
كـلامـنــا مــابــه مـجــامــل وتـلـبـيــس
والـقـول لاسـلـم الـغـوى والخـطـاء زان
--------
والـمـعــذره يــــا واسـعـيــن الـمـعـرفـه
إن غـاب عـن تفكـيـري أحــد ماعـرفـه
لـلـشـعـر تـصـريــف وللهرج صــرفـــه
ولايـنـتـجـازى الـنـاســي إلا بـغــفــران






سلام ياكاسب غلا كل مغليك...
يامالك زمان المراجل بيمانك...
الطيب ساسك والعرب عزها فيك...
لا ضاعت علوم الرجاجيل تنصاك...
ربعك تفاخر وتفتخر بطاريك...
لاهان ذاك اللي على الطيب رباك

×××××

الجود شيخ تملكه عدة اطراف
بس المراجل حالفه انك ولده
عريب جد وحاوين كل الاعراف
دنياك جنة بس فعلك رغدها
كن العلوم الطيبه عندك اهداف
صارت فريسه وانت كنت اسدها













عرض البوم صور lle loubna  

 

Tags
2018, ابيات, اجمل, شعر, مدح

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
اجمل قصائد و ابيات شعر عن الصباح 2017 فاطمة91 همس القوافي - شعر وشعراء 1 06-12-2016 19:35 PM
اجمل قصائد و ابيات شعر عن الوحدة 2017 فاطمة91 همس القوافي - شعر وشعراء 1 02-12-2016 19:20 PM
اجمل قصائد و ابيات شعر عن الحجاب 2017 فاطمة91 همس القوافي - شعر وشعراء 1 29-11-2016 17:15 PM
اجمل قصائد و ابيات شعر عن الاخلاق 2017 فاطمة91 همس القوافي - شعر وشعراء 1 29-11-2016 17:15 PM
اجمل ابيات قيلت عن السول احلام بريئة همس القوافي - شعر وشعراء 7 16-09-2012 17:16 PM


الساعة الآن 09:09 AM.

مواضيع مميزة | مواضيع عامه | حوادث | تعارف | اخبار | منتديات عالم حواء | عالم حواء | منتدى صبايا | اكسسوارات | ادوات التجميل | بيت حواء | العاب طبخ | عروس | ديكور | مطبخ حواء | اعمال يدوية | طب و صحة | عالم الطفل | الحمل والولادة | المنتدى الادبي | همس القوافي | خواطر | قصص | منتديات الصور | نكت | صور×صور | سياحه | منتديات انمي | سيارات | برامج مجانية | توبيكات | رسائل | تصاميم | موضة للمحجبات | تواقيع بنات | غرف نوم | رسائل حب | اخر موضة للمحجبات | مدونة | اجمل صور الاطفال | مكياج عيون | فساتين خطوبة | صوررمنسيه | لفات طرح

المقالات أو المشاركات أو الآراء المنشورة في شبكة منتديات سكر بنات بأسماء أصحابها أو بأسماء مستعارة لا تمثل بالضرورة الرأي الرسمي لشبكة سكر بنات بل تمثل وجهة نظر كاتبها

.
يمنع نشر اي كراك او انتهاك لاي حقوق ادبية او فكريه ان كل ما ينشر في منتديات سكر بنات هو ملك لاصحابه



Powered by vBulletin® Version 3.8.7 Copyright ©2000 - 2019, Jelsoft Enterprises Ltd.
SEO by vBSEO 3.3.0 ©2009, Crawlability, Inc.