.. يمكنك الإنضمام لعالم سُكر بنات من خلال التسجيل من هنا | نسيت كلمة المرور ؟



مدونة الاعضاء مساحتي الخاصه - مدونات الأعضـاء مدونات اعضاء, مدونات رومانسيه, مساحه خاصه بكم, سجل ذكرياتك, مذكراتك, يومياتك, تجاربك, مواقف صارت لك, افكارك, عالمك الخاص blog مدونة اعضاء سكر بنات

 
 
أدوات الموضوع انواع عرض الموضوع

قديم 09-01-2011, 02:17 AM   المشاركة رقم: 1 (permalink)
المعلومات
الكاتب:
اللقب:
المدير العام
الرتبة:
الصورة الرمزية
 
الصورة الرمزية أيوب

البيانات
التسجيل: Aug 2009
العضوية: 2
العمر: 37
المشاركات: 227 [+]
بمعدل : 0.06 يوميا
اخر زياره : [+]
معدل التقييم: 43
نقاط التقييم: 62
أيوب will become famous soon enough
 

الإتصالات
الحالة:
أيوب غير متواجد حالياً
وسائل الإتصال:

المنتدى : مدونة الاعضاء مساحتي الخاصه - مدونات الأعضـاء
Cool مدونة أيوب .. نظرة فى صفحات الماضى

السلام عليكم ورحمة الله

طبعا فكرة رائعة ان يكون لك مدونة خاصة بك مساحة حرة مفتوحة تكتب فيها ما تشاء بدون رقابة وبدون سماع آراء الآخرين او مشاركتهم فيها فأحيانا يحتاج الانسان منا الى ان يتكلم فقط بدون ان يسمع

====================

اما فكرة مدونتى فهى الى حد ما مختلفة عن البعض ممن يكتب يومياته او خواطر او شعر فانا لا أتذوق الشعر صراحة ولا الخواطر كنت بدرس الحاجات دى زمان وانا مضطر عشان امتحن فيها وانجح فى الامتحان فقط

====================

وايضا لن اكتب يوميات بل سأكتب مذكرات والغوص فى بحر الماضى وسيكون التركيز الأكبر على المواقف لانى كتبت من قبل كل ما حدث لى من مواقف منذ الطفولة حتى سن المراهقة وللاسف ضاعت كل هذه الاوراق فقررت ان انشىء مدونتى هنا لأتذكر كل ما كتبته وأسجله هنا بل وسأضيف عليها أيضا

====================

سأبدأ منذ الطفولة تقريبا سن الخامسة او السادسة فانا بفضل الله امتلك ذاكرة قوية اتذكر جيدا كل ما حدث لى وبأدق التفاصيل منذ هذا السن حتى الآن بل أتذكر احيانا مواقف لأشخاص آخرين أصدقاء مثلا فسأحاول ان املأ صفحاتى هنا بتذكر هذا الماضى بمواقفه الأليمة والطريفة الفرح والحزن أتذكر المغامرات وأيام الشقاوة وكل شىء

====================

وسأبدأ حتما بكل المواقف الطريفة التى مرت على فى حياتى فى شكل حكايات سريعة او كما أحب انا ان اطلق عليها "حواديت" فهى بالطبع أقرب لذلك

وانا بالمناسبة فكرت فى انشاء المدونة منذ اكتر من اسبوعين وخدت القرار بشكل نهائى بس اتأخرت كتير فى طرحها رغم انى عارف انى هفضح نفسى فيها واكشف المستخبى لكن ياللا الأرزاق على الله

====================

ونقول بسم الله وابدأ فى سرد اولى الحلقات من مسلسل
"حواديت العم أيوب"














توقيع : أيوب

اضغط هنا لتكبير الصوره

عرض البوم صور أيوب  


قديم 09-01-2011, 20:14 PM   المشاركة رقم: 2 (permalink)
المعلومات
الكاتب:
اللقب:
المدير العام
الرتبة:
الصورة الرمزية
 
الصورة الرمزية أيوب

البيانات
التسجيل: Aug 2009
العضوية: 2
العمر: 37
المشاركات: 227 [+]
بمعدل : 0.06 يوميا
اخر زياره : [+]
معدل التقييم: 43
نقاط التقييم: 62
أيوب will become famous soon enough
 

الإتصالات
الحالة:
أيوب غير متواجد حالياً
وسائل الإتصال:

كاتب الموضوع : أيوب المنتدى : مدونة الاعضاء مساحتي الخاصه - مدونات الأعضـاء
افتراضي رد: مدونة أيوب .. نظرة فى صفحات الماضى

نبدأ اولى حواديت العم أيوب

من المواقف الطريفة اللى حصلت معايا وكان وقتها عندى تقريبا 7 سنين كنا خارجين من صلاة العيد انا ووالدى وجوز خالتى وعدينا على سوق كبير اشترينا شوية حاجات ومعديين من شارع عمومى كده مش فاكر فين بالظبط

المهم كنت اشتريت انا آيس كريم وماشى مشغول جدا فيه كنت مجنون آيس كريم وانا صغير والى حد ما وانا كبير برضه المهم بنعدى الطريق ده وانا مش باصص للعربيات خالص ومشغول فى الآيس كريم وفجأة لقيت عربية خبطتنى ولقيت نفسى بترمى ع الارض وبدأت انزف دم وحاجات كده


الطريف فى الموضوع ده حاجتين الاولى ان ابويا وجوز خالتى بدل ما اول حاجة يعملوها يجروا على اللى اتخبط وسايح فى دمه ده لا سابونى خالص وراحوا مسكوا فى صاحب العربية وبتاع 10 دقايق تقريبا خناق وماسكين فيه ومش هنسيبك والكلام ده وانا مرمى ع الارض ولا حد عبرنى هههههههههههه


الحاجة التانية فيه فى مصر جمل شهيرة قوى لما حد يحب يعمل منظر يقول جملة منهم وهى انت ماتعرفش انا مين؟ او انت متعرفش انا ابن مين؟ انت متعرفش انت بتكلم مين؟ وهكذا عشان يخلى اللى قدامه يخاف انه حاجة كبيرة فى البلد وكده فالراجل اللى خبطنى بالعربية قال الكلام ده كله واتفاجىء انه ماجابش نتيجة وجوز خالتى طلع ورقة وقلم وكتب رقم عربيته ولقيته فجأة اتقلب 180 درجة بقى زى الخروف


ولهجة كلامه اتقلبت تماما .. طب ايه بس لازمة رقم العربية يا باشا؟ طب قطع الورقة وانا تحت امرك يا بيه .. طب انا تحت امركم فى اى حاجة طب اوديه المستشفى طب شوف المبلغ اللى عاوزينه وانا تحت امركم انا بقيت بضحك ع الراجل بصراحة

وهما مصممين لازم نروح القسم لازم نعمل محضر وكل ده ومحدش سائل فيا خالص المهم حاولت اقوم من ع الارض لقيت الحمد لله الخبطة بسيطة وكانت تقريبا دماغى اتفتحت كده حاجة بسيطة برضه وقمت وقلتلهم خلاص محصلش حاجة وبتاع لقيت ابويا يادوب على ما افتكر انى اتخبطت يقولى انت كويس؟ فيك حاجة؟ هههههههههههه

قلتله الحمد لله انا كويس والراجل اعتذرلى والموضوع انتهى مع ان انا اللى غلطان اساسا ماشى ومش باصص للطريق خالص

بس الجميل فى الحادثة دى انى الحمد لله كنت خلصت جزء كبير من الآيس كريم قبل ما اتخبط يعنى استفدت منه ما راحش ع الارض هههههههههه

الى اللقاء تومورو مع حدوتة جديدة من حواديت العم أيوب












توقيع : أيوب

اضغط هنا لتكبير الصوره

عرض البوم صور أيوب  

قديم 11-01-2011, 01:09 AM   المشاركة رقم: 3 (permalink)
المعلومات
الكاتب:
اللقب:
المدير العام
الرتبة:
الصورة الرمزية
 
الصورة الرمزية أيوب

البيانات
التسجيل: Aug 2009
العضوية: 2
العمر: 37
المشاركات: 227 [+]
بمعدل : 0.06 يوميا
اخر زياره : [+]
معدل التقييم: 43
نقاط التقييم: 62
أيوب will become famous soon enough
 

الإتصالات
الحالة:
أيوب غير متواجد حالياً
وسائل الإتصال:

كاتب الموضوع : أيوب المنتدى : مدونة الاعضاء مساحتي الخاصه - مدونات الأعضـاء
افتراضي رد: مدونة أيوب .. نظرة فى صفحات الماضى

الحلقة التانية من حواديت العم أيوب

كنت انا واسرتى فى احد المصايف وخدنا معانا ابن خالتى هو فى نفس سنى وكنا قريبين جدا من بعض وكان معايا تقريبا لمدة 4 سنوات منفصلة فى مصايف مختلفة

اول ما وصلنا ونزلنا الشنط ونظمنا متعلقاتنا فى الشقة خدنا بعضنا وخرجنا عمالين نلف فى الشوارع سوا كان تقريبا عمرى 8 او 9 سنين

فقلتله هنعمل ايه وعايزين ننظم نفسنا فى الرحلة دى هنعمل ايه فقاللى نفسى اجيب سنارة ونقضيها صيد سمك قلتله حلو بس هنجيبها منين قاللى تعالى نطللع فوق سطوح العمارة وندور ممكن نلاقى طبعا مخ اطفال فقلتله اوك طلعنا لقينا السطوح مقفول بباب خشب كده مخلع خالص وسهل يتفتح بس محتاج سكينة او حاجة ندخلها من جنب الباب عشان نعرف نفتحه

فنزلنا تانى وخدت قصافة اظافر بيبقى فيها سلاح صغير كده فقلت ممكن ينفع كنا مجرمين المهم طلعنا هو حاول معرفش فمسكت انا القصافة وفضلت احاول لحد ما الباب اتفتح معانا فرحنا جدا اننا نجحنا فى اول خطوة

دخلنا السطوح وفضلنا ندور يمين وشمال انا فى مكان وهو فى مكان وفجأة لقيته بيصرخ بصوت عالى من الفرح وعمال يضحك فجريت عليه وسألته فيه ايه؟ قاللى لقيتها لقيت السنارة اللى كان نفسنا فيها قلتله حلو تعالى ندور على واحدة تانية من الطمع وكده فدورنا مالقيناش قاللى السنارة دى بتاعتى قلتله لا دى بتاعتنا احنا الاتنين وبدأنا نتخانق خناق الاطفال هو يقولى انا اللى لقيتها وانا اقوله انا اللى فتحت باب السطوح المهم اقتنع ان دورى كان مهم قاللى خلاص هتبقى بتاعتنا سوا ونصطاد بيها سوا وكانت سنارة حلوة بجد بس اتفقت معاه بعد ما مدة المصيف بتاعنا تخلص لازم نطلع نرجعها تانى دى امانة قاللى طبعا هنرجعها احنا يعنى هناخدها معانا؟

وفى نفس اليوم بالليل بدور عليه مش لاقيه فتحت اوضته لقيته نايم وواخد السنارة فى حضنه حاططها جنبه ع السرير ضحكت عليه وقلت سيبه يفرح بيها شوية

وبدأت مغامراتنا مع الصيد اللى احنا مبنفهمش فيه حاجة اساسا مباشرة من اليوم التالى وحصل فيه موقف ظريف جدا ان شاء الله نكمل معا مغامرات الاطفال فى وقت لاحق ان شاء الله

تحياتى .. أيوب












توقيع : أيوب

اضغط هنا لتكبير الصوره

عرض البوم صور أيوب  

قديم 14-01-2011, 05:50 AM   المشاركة رقم: 4 (permalink)
المعلومات
الكاتب:
اللقب:
المدير العام
الرتبة:
الصورة الرمزية
 
الصورة الرمزية أيوب

البيانات
التسجيل: Aug 2009
العضوية: 2
العمر: 37
المشاركات: 227 [+]
بمعدل : 0.06 يوميا
اخر زياره : [+]
معدل التقييم: 43
نقاط التقييم: 62
أيوب will become famous soon enough
 

الإتصالات
الحالة:
أيوب غير متواجد حالياً
وسائل الإتصال:

كاتب الموضوع : أيوب المنتدى : مدونة الاعضاء مساحتي الخاصه - مدونات الأعضـاء
افتراضي رد: مدونة أيوب .. نظرة فى صفحات الماضى

الحلقة التالتة من حواديت العم أيوب

رحلة الصيد

بدأنا انا وابن خالتى اول رحلة صيد فى حياتنا وكان تانى يوم مباشرة من الموقف السابق المهم فضلنا ماشيين ع البحر لغاية ما لقينا مجموعة صخور داخلة جوا البحر بحوالى 20 متر وليها زى جسر كده الناس تمشى عليه فمشينا لحد ما وصلنا لأبعد صخرة فيهم

كان جالس عمالقة الصيد جنبنا كل واحد حاطط جنبه زى شنطة كده بس تقيلة ثابتة ع الارض وحاطين فيها مية وكانت شفافة نبص يمين نلاقى واحد مطلع سمكة كبيرة من البحر ويقوم شاددها من الخطاف ويحطها قدامنا فى الشنطة دى شوية ونبص على شمالنا نفس المنظر بيتكرر والسمك عمال يلعب جوا الشنطة وحاطين لهم مية فيها عشان يفضلوا عايشين والمنظر كان رائع عدد رهيب من الاسماك اصطادوها ما شاء الله

فقلنا ياللا بسم الله نبدأ ورمى ابن خالتى السنارة فى المية نستنى تغمز ما بتغمزش فاقوله طلع ونشوف يطلع يلاقى الطعم اتاكل والسنارة فاضية يعنى السمكة ضحكت علينا اقوله معلش جرب تانى وهو مصمم هو اللى يمسك السنارة طب يا عم هات انا اجرب يقولى لا قلت خلاص نسيبه ونشوف فطلعها تانى مرة نفس السيناريو الطعم اتاكل ومفيش سمك فبدأت اضحك عليه وشمتان فيه طبعا فقاللى بتضحك على ايه وحياتك لاصطاد حوت دلوقتى وراح رامى السنارة

شوية ولقيناها فعلا غمزت وبدأت تتحرك قلتله ياللا شد بسرعة قبل ما ياكلوا الطعم ويهربوا زى كل مرة فجه يشد لقى السنارة تقيلة جدا مش راضية تطلع فبصلى بقلق كده وقاللى شكلنا اصطادنا حوت فعلا جه يشدها تانى تقيلة مش قادر عليها فقاللى شد معايا مسكت وعمال اشد معاه مش قادرين نرفعها احنا الاتنين والناس الصيادين بدأوا يبصولنا ويستغربوا ونفسهم يعرفوا هيطلع ايه فى السنارة حاولنا مرة تالتة ورابعة مفيش فايدة

فبصينا لبعض انا وهو قلتله هنعمل ايه قاللى مفيش غير حل واحد قلتله ايه هو قاللى حد فينا ينزل المية ويمشى ورا الخيط بتاع السنارة يشوف ايه اللى اتعلق فيها فقلتله فكرة هايلة ياللا انزل انت المية قاللى لا هتنزل انت قلت فى عقلى اه يا جبان فقلت خلاص اتوكل على الله وانزل رغم ان واحد جنبنا قالنا محدش ينزل دى منطقة غريق وانتوا لسه صغيرين وكده كنا 8 سنين تقريبا فلقيت ناس كتير فى نفس المنطقة قلت كده يبقى فيه امان حتى لو هغرق هلاقى اللى يلحقنى انا من زمان بحب المغامرة

فطبعا احنا واقفين فوق مجموعة من الصخور فنطيت من عليها نزلت زى الفل مفيش غريق ولا حاجة فراح شادد السنارة ع الاخر عشان انا اشوف الخيط بسهولة اول ما شفته مسكته وفضلت اشده من المية مش راضى يطلع مفيش اى نتايج خالص فقلت فى عقلى خلاص اغطس وحاول تفتح عينك وتشوف الخيط ماشى لحد فين فغطست وانا ماسكه فى ايدى ومشيت وراه شوية وطلعت خدت نفس ورحت نازل تانى لحد ما وصلت لنهاية الخيط خالص واكتشفنا اللغز اخيرا

كان الخطاف مشبوك تحت الصخرة اللى احنا واقفين عليها يعنى الاستاذ كان عايز يصطاد الصخرة اللى واقفين عليها كان طموحه كبير قوى ويقولى هنصطاد حوت وبتاع المهم فضلت اشد فى الخطاف مش راضى يطلع كمان فين وفين لما فضلت من كتر الشد عشان اطلعه كانت طبعا النتيجة ان الخيط بتاع السنارة اتقطع

بعد ما طلعت فضلت طول اليوم مقضيها ضحك وتريقة عليه وهو يكلمنى وهو زعلان ويقولى كده قطعت الخيط باظت السنارة خلاص قلتله انت تحمد ربنا انها جت على قطع الخيط وبوظان السنارة احسن ما كان الحوت اللى هتصطاده يطلع ياكلك هههههههههههه


الى اللقاء تومورو مع حدوتة جديدة من حواديت العم أيوب












توقيع : أيوب

اضغط هنا لتكبير الصوره

عرض البوم صور أيوب  

قديم 17-01-2011, 07:02 AM   المشاركة رقم: 5 (permalink)
المعلومات
الكاتب:
اللقب:
المدير العام
الرتبة:
الصورة الرمزية
 
الصورة الرمزية أيوب

البيانات
التسجيل: Aug 2009
العضوية: 2
العمر: 37
المشاركات: 227 [+]
بمعدل : 0.06 يوميا
اخر زياره : [+]
معدل التقييم: 43
نقاط التقييم: 62
أيوب will become famous soon enough
 

الإتصالات
الحالة:
أيوب غير متواجد حالياً
وسائل الإتصال:

كاتب الموضوع : أيوب المنتدى : مدونة الاعضاء مساحتي الخاصه - مدونات الأعضـاء
افتراضي رد: مدونة أيوب .. نظرة فى صفحات الماضى

الحلقة الرابعة من حواديت العم أيوب

كنت هبدأ فى سلسلة مواقف الدراسة منها مواقف كتير جدا طريفة ومنها ما هو محرج لكن هسيب المرحلة دى وهتخطاها وهقف عند موقف طريف حصلى من خلال مكالمة فى التليفون

كان عمرى تقريبا 14 عام وانا اختى اكبر منى ب 9 سنين كانت وقتها لسه متخرجة وبقالها بتاع سنة كده بتشتغل وكانت بتشتغل صحفية ومعدة برامج فى التليفزيون وظلت عدة سنوات فى هذا المجال ثم تزوجت وتفرغت للبيت والاسرة فكانت بتشتغل فى القسم الفنى فى جريدة مغمورة مش معروفة وبيتطلب منها عمل لقاءات صحفية مع فنانين وكده وكانت فى الغالب بتجيب الصف التانى او التالت من الفنانين مش نجوم الصف الاول لكن طموحها خلاها تقتحم عالم النجوم وتبدأ تعمل اتصالات مكثفة بالفنانين الكبار

فطبعا من المعروف ان الفنانين فى الوقت ده كانوا كلهم بيحطوا أنسر ماشين ويسجلوا مقطع بصوتهم من فضلك سيب اسمك ورقم تليفونك بعد سماع الصفارة مكنش وقتها حد بيستخدمه كتير غير الفنانين ومكانتش الموبايلات لسه طلعت

فاللى حصل انها سابت رسالة لفنان معين زى كل الفنانين الكبار لكن الكل كان بيطنش لان الجريدة مش معروفة والصحفية صغيرة فى المجال مش من الصحفيين اللى ليهم اسمهم فبيقدروا يعرفوا ويفرقوا بين الصحفيين وبين الحوار اللى هيفيدهم والحوار اللى محدش هيقراه ومش هيفيدهم فالكل مكنش بيتصل من النجوم لكن طبعا اللى صف تانى وتالت كان الكل بيهتم وفيه كتير اتصلوا ورد عليهم والدى ووالدتى وانا برضه لكن كان الامر عادى واتعودنا على الاتصالات دى لكن محدش من البيت كله عندنا كان يتوقع انها توصل للنجوم الكبار

فصحيت فى يوم الساعة 9 الصبح على صوت جرس التليفون وكان يوم جمعة يعنى اجازة والواحد ما بيصدق ييجى يوم الجمعة عشان ينام ويرتاح ويصحى براحته قبل صلاة الجمعة بنص ساعة ولا حاجة فصحيت وانا متضايق وقرفان وعمال اقول مين الرخم اللى بيتصل دلوقتى ومعنديش استعداد اركز فى الصوت كمان

فرفعت السماعة وقلت الو قاللى منزل الاستاذة كذا الصحفية وقال اسم اختى قلتله ايوة مظبوط مين حضرتك قاللى انا "نور الشريف" فكررت مرة تانية السؤال وقلتله مين حضرتك لو سمحت قاللى ما انا قلتلك انا نور الشريف هى اتصلت بيا وسابتلى رسالة انها عايزة تعمل معايا حوار صحفى فقلت اتصل بيها

فكل ده انا مش مركز ومش فايق ومعتقد انه واحد بيشتغلنى فقلتله لو سمحت تقولى مين حضرتك عشان انا مش فاضى للهزار البايخ ده والا هقفل السكة هههههههههههه

رد بمنتهى التواضع وبصوت هادى جدا قاللى والله العظيم نور الشريف اول ما حلف قلت لنفسى لا فوق بقى من النوم اللى انت فيه ده وابدأ ركز قلتله يعنى انت فعلا استاذ نور الشريف وركزت قوى عشان اسمع صوته وهو بيرد فقاللى والله العظيم نور الشريف انت مش مصدق ليه فلقيته هو فعلا فاعتذرتله طبعا وقلتله ثوانى هصحى اختى تكلمك فكلمته واتفقوا على الميعاد وعملوا الحوار واتنشر فى الجريدة وكان بداية قوية ليها انها تبدأ تعمل لنفسها اسم ويثق فيها النجوم الكبار فعملت بعدها فعلا لقاءات مع نجوم كتير وفى التليفزيون كذلك كانت شغالة فى برامج كتير منهم برنامج متعلق بالفنانين برضه وجابت فيه نجوم كتير اتذكر منهم دلال عبد العزيز ومحمود ياسين

ومن بعدها دخلت المجال معاها من خلال دعوات كانت بتجيلها لمسرحيات ومهرجانات سينما واذاعة وتليفزيون ومهرجانات للاغانى وحفلات فيها كبار المطربين وحضور للبروفات بتاعة الحفلات ورؤية المطربين بكل ببساطة ورحت معاها كتير وياما سلمت على مطربين كتير وممثلين واتكلمت معاهم ودخلت الكواليس فى المسارح ومركز المؤتمرات ودار الاوبرا لكن بصراحة الوسط الفنى اللى يدخل جواه يلاقيه فعلا بيئته مش نضيفة يعنى وسط مش حلو حتى هى بعد كده سابت الجريدة وركزت فى البرامج فقط وبدأت تعمل برامج اجتماعية ومسابقات غيرت المجال

وان شاء الله هييجى ذكر بعض المواقف الاخرى مع نجوم الفن فى باقى حلقات مسلسل حواديت العم أيوب

اللى اللقاء تومورو












توقيع : أيوب

اضغط هنا لتكبير الصوره

عرض البوم صور أيوب  
 

Tags
أيوب, الماضى, صفحات, فى, مدونة, نظرة

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
•[.. صفحات • ملونه ..]• عاشق الانفاس سكر بنات للمواضيع العامة - قسم العام 5 21-08-2012 12:35 PM
نظرة من عينيك إدغام خواطر و شعر ابدعات الاعضاء الادبية يمنع المنقول 20 15-10-2010 23:48 PM
نظرة حب غلطة عمر خواطر وعذب الكلام - نثر 6 21-08-2010 07:55 AM
نظرة الى عمالقة bmw طبيب جراح صور سيارات - سيارات - دراجات 2 04-05-2010 04:49 AM


الساعة الآن 10:21 AM.

مواضيع مميزة | مواضيع عامه | حوادث | تعارف | اخبار | منتديات عالم حواء | عالم حواء | منتدى صبايا | اكسسوارات | ادوات التجميل | بيت حواء | العاب طبخ | عروس | ديكور | مطبخ حواء | اعمال يدوية | طب و صحة | عالم الطفل | الحمل والولادة | المنتدى الادبي | همس القوافي | خواطر | قصص | منتديات الصور | نكت | صور×صور | سياحه | منتديات انمي | سيارات | برامج مجانية | توبيكات | رسائل | تصاميم | موضة للمحجبات | تواقيع بنات | غرف نوم | رسائل حب | اخر موضة للمحجبات | مدونة | اجمل صور الاطفال | مكياج عيون | فساتين خطوبة | صوررمنسيه | لفات طرح

المقالات أو المشاركات أو الآراء المنشورة في شبكة منتديات سكر بنات بأسماء أصحابها أو بأسماء مستعارة لا تمثل بالضرورة الرأي الرسمي لشبكة سكر بنات بل تمثل وجهة نظر كاتبها

.
يمنع نشر اي كراك او انتهاك لاي حقوق ادبية او فكريه ان كل ما ينشر في منتديات سكر بنات هو ملك لاصحابه



Powered by vBulletin® Version 3.8.7 Copyright ©2000 - 2019, Jelsoft Enterprises Ltd.
SEO by vBSEO 3.3.0 ©2009, Crawlability, Inc.